विद्यालयाविषयी

​

                माध्यमिक स्तरावर मुंढर पंचक्रोशिमधील विद्यार्थ्यांसाठी कोणतीही शैक्षणिक सुविधा नव्हती. ग्रामीण भागातील मुलामुलींसाठी  शिक्षणांची सोय व्हावी म्हणून मुंढर येथे 1996 मध्ये  हे विद्यालय सुरू करण्यात आले.  प्रथम शाळा प्रतिष्ठान द्वारे एका छोट्याशा भाड्याच्या जागी सुरु करण्यात आली.
                  दोन वर्षांत प्रतिष्ठानने आपली स्वतःची इमारत पूर्ण केली. नोव्हेंबर 1997 मध्ये शाळेला नवीन इमारतीमध्ये स्थलांतरीत करण्यात आले. नातू प्रतिष्ठानला श्री सिद्धिविनायक मंदिर न्यास प्रभादेवी मुंबई यांचे कडून 15 लक्ष रूपयांची आर्थिक मदत मिळाली. मुंढर   शाळेचे 20 नोव्हेंबर 2000 रोजी 'श्री सिद्धिविनायक विद्यामंदिर मुंढर' असे नामकरण करण्यात आले.
              श्री. शेखर गाडगीळ यानी शिक्षक प्रबोधिनी करिता रूपये 25 लक्षची भव्य आर्थिक मदत प्रतिष्ठानला दिली सदर देणगीतून शिक्षक प्रबोधिनी व छंद कार्यशाळेसाठी प्रशस्त  हॉलसहित शाळेच्या दुस-या मजल्याचे काम करण्यात आले.

            शिक्षक प्रबोधिनी  हॉलमध्ये शिक्षण विभागाच्या सहकार्याने विविध प्रशिक्षण वर्ग घेतले जातात.तसेच  ग्रामीण भागातील होतकरु बेरोजगार  युवक- युवती व महिलांना व्यवसाय प्रशिक्षण मिळण्यासाठी प्रतिष्ठानने बॅंक ऑफ इंडियाच्या स्टार स्वयंरोजगार योजनेच्या मदतीने व पुढाकाराने मुलांसाठी टु - व्हिलर आणि मोबाईल दुरुस्ती व देखभाल  आणि मुलींसाठी ड्रेस डिझायनिंग व मसाला बनविणे  असे प्रशिक्षण वर्ग घेण्यात आले.येथे विद्यार्थ्यांच्या छंद वर्गाची देखील सुविधा आहे. आमच्या शाळेतून शिक्षण घेऊन बाहेर गेलेले विद्यार्थी सध्या  विविध क्षेत्रांमध्ये यशस्वीरित्या कार्यरत आहेत.
              विद्यालयामध्ये  थोर भारतीय व्यक्तींच्या जयंती उत्सव साजरा करणे आणि विद्यार्थ्यांना त्यांच्या महान कार्याशी परिचित करणे, योग प्रशिक्षण कार्यशाळा आयोजन आणि जागतिक योग दिन साजरा करणे, ओझोन दिन, वन्यजीव सप्ताह , जागतिक रक्तदान दिन आणि जागतिक एड्स दिन साजरा करणे,. आंतरशालेय क्रीडा स्पर्धा आयोजित करणे व तालुका स्तरीय क्रीडा स्पर्धांमध्ये सहभाग घेणे. वक्तृत्व आणि कथाकथन स्पर्धा यासाठी मार्गदर्शन,एलिमेंटरी आणि इंटरमिडिएट चित्रकला ग्रेड परीक्षा मार्गदर्शन, वैयक्तिक स्वच्छतेविषयी मार्गदर्शन तसेच प्रती वर्षी दि. (25 जुलै) रोजी  विविध कार्यशाळा व स्पर्धा आयोजित करून 'तात्यासाहेब नातू स्मृती दिन' साजरा केला जातो. 

            विद्यार्थ्यांच्या व्यक्तिमत्व विकासासाठी वेगवेगळ्या प्रकारच्या स्पर्धा आयोजित करणे.  रेखांकन आणि चित्रकला  कार्यशाळा आयोजित करणे , विद्यार्थ्यांसाठी  वर्षा सहल व शैक्षणिक सहल आयोजित करणे इत्यादी उपक्रम घेतले जातात. 

              पालक - शिक्षक गट स्थापन करून विद्यार्थ्यांच्या  प्रगती बद्दल मार्गदर्शन केले जाते. सरकारी आणि स्थानिक संस्थांनी आयोजित केलेल्या विविध सामाजिक कार्यक्रमात सहभाग घेतला जातो.