विद्यालयाविषयी 

विद्यालयाची पार्श्वभूमी  :-  

6 जून 1996 रोजी एका भाड्याच्या घरात इ.आठवी चा वर्ग सुरु झाला. 24 विद्यार्थी व 2 शिक्षक पहिल्यावर्षी कार्यरत. नैसर्गिक वाढीने इ.9 वी  चा वर्ग  दुसऱ्या वर्षी,  व तिसऱ्या वर्षी इ. 10 वी चा वर्ग सुरु झाला. 1999 ला इ. 10 वी ची पहिली बॅच 70.58% निकालाने बाहेर पडली. पहिली चार वर्षे भाड्याच्या इमारतीत विद्यालयाचे कामकाज चालले. त्यानंतर संस्थेने शाळेसाठी एक एकर जागा घेतली व पाच खोल्यांमधील तीन खोल्यांमध्ये शाळा व दोन खोल्यांमध्ये वसतिगृह चालविले. कालांतराने वसतिगृह इमारतीचे स्वंतत्र बांधकाम केले व पाचही खोल्यांची इमारत शाळेसाठी वापरण्यास सुरुवात झाली.

सध्या तीन वर्गखोल्या एक प्रयोगशाळा, आय.सी.टी. संगणक प्रयोगशाळा व कार्यालयासाठी दोन खोल्या अशा खोल्यांमधून शाळेचे कामकाज चालते.

3 जानेवारी 2010 पासून माध्यमिक विदयालय देवखेरकीचे नामकरण डॉ.सौ. सुचरिता निळकंठ ढेरे माध्यमिक विद्यालय देवखेरकी असे करण्यात आले.डॉ. निळकंठ ढेरे यांच्याकडून प्रतिष्ठानला 8 लक्ष रूपयांची भरगोस देनगी मिळाली.

शालान्त परीक्षेचा उत्कृष्ठ निकाल, वैयक्तिक मार्गदर्शन व लक्ष , सानेगुरुजी गुणवत्ता विकास अभियानात  विद्यालयाची उत्तम कामगिरी, क्रीडा स्पर्धेमधील उल्लेखनीय यश, स्पर्धा परीक्षांसाठी सहभाग व मार्गदर्शन , गरीब , गरजू विद्यार्थ्यांसाठी शैक्षणिक साहित्याचे वाटप व मदत, मोफत आरोग्य तपासणी शिबिरांचे आयोजन, वेगवेगळ्या व्याख्यात्यांचे मार्गदर्शन,वेगवेगळ्या सोयी सुविधा विद्यार्थ्यांना मिळवून द्याव्या म्हणून नियोजन अशा पद्धतीने कामकाज सुरु आहे.  

​

विद्यालयाच्या भौतिक व इतर सुविधा-

​

• पुरेशी इमारत व प्रशस्त हवेशीर वर्गखोल्या व नीटनेटका परिसर.

• भरपूर प्रयोगसाहीत्यासह विज्ञान प्रयोगशाळा.

• ग्रंथालयात भरपूर पुस्तके.

• आय.सी.टी. प्रयोगशाळा.

• मुलामुलींसाठी स्वतंत्र स्वच्छता गृह.

• व्हरांडा व बोलक्या भिंती.

• वर्गसजावट  व आकर्षक मांडणी.

• पुरेसे फर्निचर.

• एल.सी.डी. प्रोजेक्टरचा प्रभावी वापर.

• प्रशस्त क्रीडांगण व मुबलक क्रीडा साहित्य.

• पुरेसे शैक्षणिक साहित्य.

• मध्यान्ह भोजन स्वयंपाक गृह.

• अध्ययन पोषक वातावरण.

•  गरीब, गरजू, विद्यार्थ्यांना प्रतिवर्षी शैक्षणिक साहित्याची मदत.